Mae Earthfall yn cynnig cyfleoedd ar gyfer cyfranogi i Ysgolion Uwchradd ac Addysg Bellach. Mae’r cyfleoedd hyn yn weithdai unigol sy’n ategu’r maes llafur craidd neu’n weithdai a gynhelir ar y cyd â’n cynhyrchiad cyfredol; maent yn archwilio’r themâu a’r dyfeisiadau coreograffig a ddefnyddir yn ystod y broses ymarfer.
Mae’r holl brofiadau Addysg a Chyfranogiad yn cael eu teilwra’n benodol trwy gyfrwng deialog agored rhwng y cwmni a’r sefydliad sy’n cynnal y gweithdy, er mwyn sicrhau bod y cyfranogwyr yn gallu manteisio ar brofiadau creadigol o’r safon uchaf.
• Gweithdai hanner diwrnod a diwrnodau cyfain
• Trafodaethau ar ôl perfformiadau
(Mae Diwrnodau Hyfforddiant Mewn Swydd hefyd ar gael i athrawon.)
Yn ogystal â’n gweithdai dawns a theatr gorfforol arferol, gall y gweithdai gynnwys cerddoriaeth fyw, fideo a thafluniadau, testun, hyfforddiant llais a symudiad, a gwaith cymeriadu. Mae cyfnodau preswyl hefyd yn rhoi cyfle i grwpiau greu a chyflwyno perfformiadau mewnol a fydd ar agor i’r cyhoedd.
Mae pob un o’n gweithdai yn darparu’r canlynol i gyfranogwyr:
• Sgiliau allweddol a throsglwyddadwy
• Gwerthusiadau gan unigolion a chymheiriaid
• Datblygu nodweddion unigol; hyder a hunan-ddisgyblaeth
• Dulliau datblygedig ac aml-ddisgyblaethol o feddwl a gweithredu’n greadigol
• Dealltwriaeth o iechyd a lles trwy gymryd rhan
• Gwybodaeth a dealltwriaeth o dechnegau symud
• Dyfeisio a rhannu a dadansoddi.
Gweler delweddau o’n gweithdai i ysgolion fan hyn.
